Friday, June 1, 2007

outing

namaskar,
Aaj ki khabar yeh hai ki humare saare 10th aur 12th ke bachhe saare pass ho gaye. Iss hi waja se hum bachhon ko ek movie ke liye le jaa rahe hai.
Aaj aur disabled section main saare disabled bachho ke saath ek self cleaning program kiya.
Aaj Shubham ke heart surgery ke paisa jamah ho gaye. '
Aaj ke liye itna hi
hum milenge aapse kaal

Tuesday, May 29, 2007

anisha's birthday

namaskar,
aaj ki taaza khabar yeh hai ki anisha ka aaj pehla birthday hai. Woh aur uski mummy sab ke liye mithai liye. humne uske liye ek birthday song gaya.
Aaj 7 bacchon ke hair cutting hui, Deepak aaya Keune salon se, unsab ke baal kaatne ke liye. Aur yeh bacchon ke liye aur Deepak ke liye ek achha experience tha kyonki na toh kabhi bacchon ne kissi hair stylist se baal katwaye nahin Deepak ne kabhi slum ke bacchon ke baal kaate, iss liye dono ke liye accha experience tha.
aaj ke liye itna hi
kal phir milenge

anisha's birthday

Monday, May 28, 2007

sorry

namaskar,
bahut dino se hum aapko Project WHY ki khabar nahin de paye kyoinki hum kuch zaroori kamon mein phaas gaye the. khabar ye hai ki, in dino mein humare project mein 4 visitor aaye. Jeen logo ne humara project dekha unmese ek visitor ne 6 din volunteer work kiya.
Humare saare 12th ke bacche 100% paas hogaye. Humare disabled section mein ek nayee ladki ka admission hua hai jiska naam husanjahan hai.
aaj ke liye itna hi
Hum aape kal milenge

Thursday, May 10, 2007

visit

aaj ki khabar main yeh hai ki aaj Mr Bakshi aour unke ek friend Project dekhne aye the. Unko humne saare centres dikhaye aur woh log shock ho gaye. Shayad aissi jaga unho ne sapne main bhi nahin sochi. Mr Bakshi ko samajh main nahin aya ke kaisse 6 log ek chhoti si jhuggi mein reh sakte hai. Bahut saare log Delhi main rehte hue bhi kabhi apne aas paas ki jagaon ko nahi n dekh te.

Humare centre mein do naye teacher ko appoint kiya hai. Yeh do teacher humare purane student hai. Humare yahan 4 saal se paad rahe hai. ab in logon ne 12th pass karli aur humare centre mein kaam kar rahe hai.Humara sapna bhi yehi hai ki humare old student hi project chalaye.

Aaj ke liye itna kaafi hai

Wednesday, May 9, 2007

shifting

Aaj ki khabar yeh hai ki hum apne dono class, special section aur creche section ko shift kiya. Aaj poora din iss me lag gaya aur humne aaj bachhon ki chhuti kardi. Humne yeh shifting iss liye ki ke ek 10 saal ka disabled bachha humare school mein admission chahta hai lekin woh chal nahin sakta to woh first floor par bhi nahin chad sakta, uske liye humne class ground floor par karli.
Aaj ke liye itna hi.

Tuesday, May 8, 2007

parda faash

Aaj ki taaza khabar ye hai kee project why ne ek bachhi jo project why kee student hai. uss ke school admission ka parda faash kiya. school wale uss ke ghar walo se moti ghus mang kar un logo ko tang kar rahe the. jab un logo ne humhe bataya tab hum ne socha kee unhe sabak sikhana chahiye. tab hum logo ne NDTV ko bulaya aur apne project mai parda faash kiya.

Friday, May 4, 2007

visit to mehjabi's home

namaskar,
aaj hum mehjabi ke ghar visit ke liye gaye. Uske ghar itna chhota tha ki jitna up market logon ka bathroom hota hai. Phir bhi woh wahan rehte hai. Shayad hum me se koi bhi hota to wahan nahin rehe pataa. Uske uss chhote se ghar main 11 log rehte hai kisme se 6 adult hai aur 5 bache hai.Jab hum uske ghar pahonche toh unhone humein bade pyar se andar bulaya aur bethaya. Unko badi hichkichahat ho rahi thi ke humein kahan bithaye. Koi kehta hai yahan betho, koi kehta hai wahan betho. Finaly hum unke bistar par bethgaye. hum logo kobahut achha laga uske ghar jaa kar par iss baat ka dukh hai ki woh 11 log uss me kaisse rehte honge.

Wednesday, May 2, 2007

cartoon

namaste,
aaj ki khabar yeh hai ki primary section mein ek turkish volunteer ne bachon ko tom and jerry cartoons dekhaya. Bachon ka isme interest bahut tha.
Asha ka husband aaj mithai laya tha ladke ke hone ki khishi main. Aaj ke liye itna hi.
Hum aap se milenge kal ek nayi khabar ke saath.

Monday, April 30, 2007

khush khabri

namaste,
Aaj ki taaza khabar ye hai ki, Asha( Rakhi Preeti ki mummy) ki delievery ho gayi. Bataye delivery main kya hua hoga????? Jaldi Guess karye time nahin hai. Koi bat nahin, hum batade te hain........... LADKA!!!!!!!!!!!!
Thank god ki uske ladka hua nahin to woh cricket team khadi kardete jab tak ladka nahin hota. Bas aaj ki taaza khabar yehi hai. maaf karyega, hamari khabar kuch zyada late hogayi. Ab hum aapse kal milenge.

Friday, March 23, 2007

project ka lekha jokha

namaskar,
aaj kee taza khabar ye hai kee okhla mai mural khatam ho gaya hai. agar aap ko dekhana hai tho aap ka swagat hai project why mai. hamari secondary aur computer room ka pura kaam ho gaya hai. aaj hamare project mai visiters aaye the. hame aur bachho ko bahut aachha lagata hai jab hum se koi milne aata hai.
aaj ke liye bas itna hee. hum aap se kal milenge nayi khabaron ke saath.

Tuesday, March 20, 2007

namaskar,
Project WHY mein iss hafte bahut constrution ka kaam ho raha tha office mein, special section mein ek chhota sa kitchen banaya aur secondary class ko phir se acche se reconstruct kara tha. Hamae okhla ke centre main Jan MAdhyam se aaye hue log hum ko murals banana bata rahe hain.
Aaj ke liye itne tak ki khabar hai.
Hum phir milenge kaal
Shukriya

Friday, March 16, 2007

namshkar

aap ka swagait hai